اتر پردیش انتخابات میں مودی کھیل رہے ہیں خطرناک کھیل : کانگریس

کانگریس نے وزیر اعظم نریندر مودی پر شدید حملہ کرتے ہوئے آج کہا کہ انہوں نے اپنی ڈھائی برس کی حکمرانی میں ملک کو کمزور کیا ہے اور اب اتر پردیش اسمبلی انتخابات میں ووٹ کے لئے خطرناک کھیل کھیل رہے ہیں۔کانگریس کے سینئر لیڈر سردار منپریت سنگھ بادل نے یہاں پارٹی کی باقاعدہ پریس کانفرنس میں



کہا کہ مسٹر مودی کانپور میں ہوئے ٹرین حادثے میں دہشت گردوں کا ہاتھ بتا رہے ہیں جبکہ اترپردیش ریلوے کے ڈی جی نے کل کہا کہ یہ تباہی پھیلانے والے عناصر کا کام نہیں ہے۔ان کا کہنا تھا کہ یہ واضح ہونا چاہئے کہ کانپور ٹرین حادثہ پر مسٹر مودی اور ریلوے انتظامیہ کی جانب کی جا رہی بیان بازی میں صحیح کیا ہے۔